Kosovo Open 2012 – dedikuar për Dino Asanaj

Në një vjetorin e themelimit të Federatës së Minigolfit të Kosovës me 27 Korrik 2012 u organizua turneu i parë Ndërkombëtar Kosovo Open 2012 i cili i dedikohej ideatorit të fushës së Minigolfit Dino Asanaj.

Ftesës sonë iu përgjigjën lojëtar nga Turqia, Austria, Gjermania dhe Finlanda. Ishin gjithsej tetë lojëtar të huaj, ndërsa si lojëtar vendor u paraqitën 10 sosh duke e rrumbullaksuar nr e përgjithshëm me 18 lojëtar.

Në temperaturat e larta të cilat mbretëronin lojëtarët vendor dëshmuan se kanë njohuri të thella për lojën e minigolfit i cili kishte filluar të lëshonte rrënjë dal ngadal në vendin tonë. Ishte në pytje vetëm qëndrueshmëria deri në fund të lojës.

Pas pesë raundeve të luajtura nga të gjithë lojëtarët, në raundin e gjashtë vazhduan vetëm 12 më të mirët në një garë tejet konkuruese me ç’rast në fund tre lojëtarët më të mire u radhitën Karl Lakos nga Austria, Arton Krasniqi nga Kosova dhe Sebastian Heine nga Gjermania. I katëri u radhit Liridon Mehmeti i cili nuk kishte fat në njërën nga stazat dhe Sebastian Heine arriti ta zë vendin e tretë.

Fati në vetëm një stazë nuk i buzëqeshi as Arton Krasniqit i cili si Nënkampion i Kosovës sfidoi vendin e parë deri në dy gjuajtjet e fundit, mirëpo Karl Lakos i cili është Ambasadori më i madhë në botë i Minigolfit ishte i vendosur ta fitonte turneun e parë ndërkombëtar të Minigolfit në Kosovë dhe ia arriti qëllimit me vetëm një gjuajtje më pak nga vendi i dytë.

Kjo ngjarja u cilësua si shumë mire e organizuar nga pjesëmarrësit Ndërkombëtar.   

http://www.minigolfnews.com/?id=1302